انتقد الإعلامي تامر أمين، رفع شركة الشرقية للدخان سعر علبة السجائر "كليوباترا" للمرة الثانية لتصل إلى 12،75 جنيه، قائلا: " للمرة الديشيليون ليه يا اخوانا بتقربوا من الكليوباترا مش عارف ايه الحكمة من هذا العند في التعامل مع فكرة العدالة الاجتماعية، مترفعوا الأسعار على القادرين".
وتابع أمين خلال برنامج "الحياة اليوم" المذاع على قناة "الحياة" اليوم الثلاثاء: "متجوش ناحية كليوباترا.. دي حتى اسمها كوكو الضعيف.. تيجو على كوكو الضعيف واللي بيشربها أضعف منها.. كأن الإجراءات دي هدفها ان احنا نطلع عين الناس حرام عليكوا الناس بيشتروا الكليوباترا فرط، هيعملوا ايه بعد كدا هيشتروها عقاب يعني".
وأضاف أمين: " ياجماعة خلوا علبة المارلوبور بـ 150 جنيه والناس هتشتري اللي معاه وعايز يشري دخان أجنبي وبتاع يشتري.. غلوا أسعار الرفاهية بتاعت القادرين، لكن حرام عليكوا تغلوا على الناس اللي مش قادرة.. بتزعلوا الناس على حاجات تافهة يعني".
