في أول ظهور له عقب تصريحاته المثيرة للجدل التي أعلن فيها عدم اهتمامه بمشاهدة مباريات المنتخب، أوضح باسم مرسي، مهاجم الزمالك، أنه لم يقصد الإساءة مطلقًا للمنتخب، وأن الجمهور أساء فهم تصريحاته.
وقال باسم عبر برنامج "المونديال الإفريقي" المُذاع عبر قناة النيل للرياضة، إن "الناس فهمت اللي عايزة تفهمه، وشرف لأي حد في الدنيا إنه يمثل المنتخب، وأنا مش بتكلم عشان أرجع المنتخب، أنا عاوز الناس تفهم".
وأوضح مهاجم الزمالك "لما مصر كسبت المغرب وبوركينا فرحت زيي زي أي واحد مصري هيصت وعملت كل حاجة، أنا دلوقت مشجع وواحد من الجمهور، الناس عايزة تحطني في وضع عايزين يشوفوني كدا، وللأسف فيه ناس بتمشي وراهم".
وأكد مرسي في خاتم تصريحاته "أنا مش هقعد كل شوية أوضح، كل حوار بطلع أعمله الناس بتفهم اللي عايزة تفهمه، الناس مركزة معايا زيادة عن اللزوم، وفي حفلة أحسن مهاجم في مصر، روحت سلمت على كوبر، وكلمت أسامة نبيه واتصورت مع كوبر، وبكلم علي جبر ودويدار وطارق حامد يوميًا، وكلمت الحضري امبارح".
